Тэма: “Беларусь – мая песня”.

“Я хадзіў па зямлі тваёй, слухаў твой  голас…”.

                                                                       М. Браўн, пераклад А. Бялевіча.

Мэта, задачы ўрока:

- абагульніць тэму паўгоддзя: замацаваць веды навучэнцаў, вучыць знаходзіць глыбокі сэнс у музычных творах, прыйсці да высновы, што музыка – гэта жыццё;

- развіваць лагічнае мышленне;

- выхоўваць эстэтычны густ. 

Тып урока: абагульняльны ўрок-віктарына.

Музычны матэрыял і абсталяванне ўрока: па выбару настаўніка.

 

Метадычная распрацоўка ўрока

Арганізацыйны момант.

Уваход у клас пад музыку “Сімфаньеты До мажор” М. Аладава (1ч.).

- Сёння мы з вамі абагульнім тэму паўгоддзя пад дэвізам “Беларусь – мая песня”.  Як вы разумееце эпіграф “Я хадзіў па зямлі тваёй, слухаў твой голас?”(…). На ўроку мы абагульнім нашы веды ў выглядзе віктарыны.

Раздаю лісты, на якіх напісаны пытанні (розныя варыянты). Можна мець на ўвазе наступныя

Тэарэтычныя пытанні:

-  Нагадай народныя песні, якія адлюстроўваюць быт беларускага народа, яго звычаі, традыцыі.

-  Дакажы, што з песняю і работа ідзе спарней.

-  Што значыць “апрацоўка” песні?

-  Нагадай беларускія народныя танцы. Што ім характэрна?

-  Назаві асаблівасці беларускіх народных песень.

-  Што такое кант? Прыклады.

-  Як ты разумееш выказванне “Песня – душа народа”?

-  Назаві творы, якія (на тваю думку) выхоўваюць сэрца.

- Якія вядомыя народныя мелодыі выкарысталі кампазітары ў сваіх творах? (Назваць аўтараў,  іх творы і выкарыстаныя мелодыі).

-  Ці можна ўбачыць музыку? Праклад(ы).

-  Дакажы, што музыка – гэта жыццё. Прыклады.

-  Нагадай вядомых баларускіх кампазітараў.

-  Якія ты ведаеш беларускія балеты? Прыклады.

-  Якія ты ведаеш беларускія оперы? Прыклады.

-  З якіх інструментаў складаецца сімфанічны аркестр?

- Якія музычныя інструменты могуць перадаць ласку, пяшчоту, а якія – рашучасць, пагрозу? Прыклады.

-  У якіх музычных жанрах музыка цесна звязана з літаратурай? Прыклады.

І іншыя пытанні.

 

Музычная віктарына:

- Які жыццёвы змест закладзены ў гэтым творы? Нагадай яго (гучыць фрагмент “Сімфаньеты” М. Аладава).

-  Ахарактарызуй музыку (гучыць фрагмент “Адажыо” з балета “Маленькі прынц” Я. Глебава).

-  Аб чым (ці кім) расказвае гэта музыка? (Гучыць мелодыя без слоў “Белая ў возеры лебедзь” – хор русалак Р. Пукста з оперы “Машэка”).

-  Праспявай песню (паказваю мелодыю, пяюць са словамі па 2-3 вучня) і іншыя.

 

Мяркуецца, што ў кожным варыянце будзе па аднаму тэарэтычнаму пытанню і некалькі практычных.

 

Выхад з класа пад музыку В. Войціка “Забавы” (фрагмент).