СЛОВО О ПОЛКУ ИГОРЕВЕ
(отрывки)
Не лhпо ли ны бяшетъ, братие,
начяти старыми словесы
трудныхъ повъстий о пълку Игоревh,
Игоря Святъславлича?
Начати же ся тъй пhсни
по былинамь сего времени,
а не по замышлению Бояню.
Боянъ бо вhщий,
аще кому хотяше пhснь творити,
то растhкашется мыслию по древу,
сhрымъ вълкомъ по земли,
шизымъ орломъ подъ облакы.
Помняшеть бо, рече,
първыхъ временъ усобицh.
Тогда пущашеть 10 соколовь на стадо лебедhй:
которыи дотечаше,
та преди пhснь пояше
старому Ярославу,
храброму Мстиславу,
иже зарhза Редедю предъ пълкы касожьскыми,
красному Романови Святъславличю.
Боянъ же, братие, не 10 соколовь
на стадо лебедhй пущаше,
нъ своя вhщиа пръсты
на живая струны въскладаше;
они же сами княземъ славу рокотаху.
***
Игорь ждетъ мила брата Всеволода.
И рече ему буй туръ Всеволодъ:
«Одинъ братъ,
одинъ свhтъ свhтлый –
ты, Игорю!
оба есвh Святъславличя!
Сhдлай, брате,
свои бръзыи комони,
а мои ти готови,
осhдлани у Курьска напереди.
А мои ти куряни свhдоми къмети:
подъ трубами повити,
подъ шеломы възлhлhяни,
конець копия въскръмлени,
пути имь вhдоми,
яругы имь знаеми,
луци у нихъ напряжени,
тули отворени,
сабли изъострени;
сами скачють, акы сhрыи влъци въ полh,
ищучи себе чти, а князю славh».
***
Что ми шумить,
что ми звенить –
далече рано предъ зорями?
Игорь плъкы заворочаетъ:
жаль бо ему мила брата Всеволода.
Бишася день, бишася другый;
третьяго дни къ полуднию падоша стязи Игоревы.
Ту ся брата разлучиста на брезh быстрой Каялы;
ту кроваваго вина не доста;
ту пиръ докончаша храбрии русичи:
сваты попоиша, а сами полегоша
за землю Рускую.
Ничить трава жалощами,
а древо с тугою къ земли преклонилось.
***
На Дунаи Ярославнынъ гласъ ся слышитъ,
зегзицею незнаема рано кычеть:
«Полечю,– рече, – зегзицею по Дунаеви,
омочю бебрянъ рукавъ въ Каялh рhцh,
утру князю кровавыя его раны
на жестоцhмъ его тhлh».
Ярославна рано плачетъ
въ Путивлh на забралh, аркучи:
«О вhтрh, вhтрило!
Чему, господине, насильно вhеши?
Чему мычеши хиновьскыя стрhлкы
на своею нетрудною крилцю
на моея лады вои?
Мало ли ти бяшетъ горh подъ облакы вhяти,
лелhючи корабли на синh морh?
Чему, господине, мое веселие
по ковылию развhя?»
Ярославна рано плачеть
Путивлю городу на заборолh, аркучи:
«О Днепре Словутицю!
Ты пробилъ еси каменныя горы
сквозh землю Половецкую.
Ты лелhялъ еси на себh Святославли насады
до плъку Кобякова.
Възлелhй, господине, мою ладу къ мнh,
а быхъ не слала къ нему слезъ
на море рано».
Ярославна рано плачетъ
въ Путивлh на забралh, аркучи:
«Свhтлое и тресвhтлое слънце!
Всhмъ тепло и красно еси:
чему, господине, простре горячюю свою лучю
на ладh вои?
Въ полh безводнh жаждею имь лучи съпряже,
тугою имъ тули затче?»
Вопросы
- Природа ритма «Слова о полку Игореве» спорна. Очевидно, что в памятнике присутствуют признаки ритмической организации. Однако какова природа этого ритма? Одна из гипотез связывала гибкий и разнообразный ритм «Слова» с его синкретической жанровой природой. Прочитайте произведение и проследите изменения ритма в разных фрагментах. В какой степени эти ритмические колебания связаны с изменением жанровой специфики того или иного фрагмента? С его содержанием?
- Известно, что попытки создать поэтический перевод «Слова» с помощью того или иного размера (амфибрахий, хорей, дактиль и т.д.) были неудачными. Как вы думаете, почему? Как объяснял природу ритма «Слова» Л.И.Тимофеев (см. его статью «Ритмика «Слова о полку Игореве» в журнале «Русская литература», 1963, №1)? Познакомьтесь с другими гипотезами. Какая кажется вам наиболее убедительной?
- С помощью каких приемов создается ритм в разных фрагментах «Слова»? Выделите эти приемы, охарактеризуйте их.