МОЛЕНИЕ, ИЛИ ПОСЛАНИЕ, ДАНИИЛА ЗАТОЧНИКА
(отрывок)
Княже мои, господине! Не отрини раба скорбящаго, не лиши мене живота своего. Яко очи рабыни в руцh госпожа своеи, тако очи наши в руку твоею, яко аз раб твои и сын рабы твоея. Насыщаяся многоразличными брашны, помяни мя, сух хлhб ядущаго; веселяся сладким питиемъ, облачася в красоту риз твоих, помяни мя, в неизпраннем вретищи лежаша; на мягкой постели памяни мя, под единем рубомъ лежаща, зимою умирающаго, каплями дождевыми, яко стрелами, пронизаема.
Княже мои, господине! Орел птица царь надо всhми птицами, а осетръ над рыбами, а лев над зверми, а ты, княже, над переславцы. Левъ рыкнетъ, кто не устрашится; а ты, княже, речиши, кто не убоится? Яко же бо змии страшен свистанием своимъ, тако и ты княже нашь, грозенъ множеством вои. Злато красота женам, а ты, княже, людемъ своимъ. Тhло крепится жилами, а мы, княже, твоею державою. Птенцы радуются веснh, а младенцы матери, а мы, княже, тебе. Гусли строятся персты, а град нашь твоею державою.
Вопросы
- Проанализируйте отрывок. Какие приемы ритмической организации использует автор?
- Найдите примеры лексических повторов, лексико-синтаксического параллелизма. С какой жанровой традицией связывают памятник эти приемы?