ПОУЧЕНИЕ ВЛАДИМИРА МОНОМАХА

(отрывок)

 

Всего же паче убогых не забывайте, но елико могуще по силh кормите, и придайте сиротh, и вдовицю оправдите сами, а не вдавайте силным погубити человька. Ни права, ни крива не убивайте, ни повелhвайте убити его? Аще будеть повиненъ смерти, а душа не погубляйте никакоя же хрестьяны. Рhчь молвяче, и лихо и добро, не кленитеся богомь, ни хреститеся, нhту бо ти нужа никоея же. Аще ли вы будете кресть целовати к братьи или г кому, а ли управивъше сердце свое, на нем же можете устояти, тоже цhлуйте, и цhловавше блюдhте, да не, приступни, погубите душh своеh. Епископы, и попы и игумены... с любовью взимай­те от них благословленье, и не устраняйтеся от них, и по силh любите и набдите, да приимете от них молитву... от бога. Паче всего гордости не имhйте в сердци и въ умh, но рцhм: смертни есмы, днесь живи, а заутра в гробъ; се все, что ны еси вдалъ, не наше, но твое, поручил ны еси на мало дний. И в земли не хороните, то ны есть великъ грhхъ. Старыя чти яко отца, а молодыя яко братью. В дому своемь не лhнитеся, но все видите; не зрите на тивуна, ни на отрока, да не посмhются приходящии к вам ни дому вашему, ни обhду вашему. На войну вышедъ, не лhнитеся, не зрите на воеводы; ни питью, ни денью не лагодите, ни спанью; и сторожh сами наряживайте, и ночь, отвсюду нарядивше около вои тоже лязите, а рано встанhте; а оружья не снимайте с себе вборзh, не розглядавше лhнощами, внезапу бо человhкъ погыбаеть. Лжh блюдися и пьяньства и блуда, в томъ бо душа погыбаеть и тhло. Куда же ходяще путемъ по своимъ землямъ, не дайте пакости дhяти отрокомъ, ни своимъ, ни чюжимъ, ни в селhх, ни в житhх, да не кляти вас начнуть. Куда же поидете, иде же станете, напойте, накормите унеина; и боле же чтите гость, откуду же к вам придеть, или простъ, или добръ, или соль, ащене можете даромъ, брашном и питьемь: ти бо мимоходячи прославять человhка по всhм землямъ, любо добрым, любо злымъ. Болнаго присhтите; надъ мертвеця идhте, яко вси мертвени есмы. И человhка не минhте, не привhчавше, добро слово ему дадите. Жену свою любите, но не дайте имъ надъ собою власти. Се же вы конець всему; страхъ божий имhйте выше всего.

Аще забываете сего, а часто прочитайте: и мне будеть бе-сорома, и вамъ будеть добро.

Его же умhючи, того не забывайте доброго, а его же не умhючи, а тому ся учите, яко же бо отець мой, дома сhмдя, изумhяше 5 языкъ, в томъ бо честь есть от инhхъ земль. Лhность бо всему мати: еже умhетъ, то забудеть, а его же не умhеть, а тому ся не учить. Добрh же творяще, не мозите ся лhните ни на что же доброе, первое к церкви: да не застанеть васъ солнце на постели.