§ 9. NUMERUS (ЛІК)
Большасць назоўнікаў лацінскай мовы маюць дзве формы ліку - singulāris (адзіночны лік) і plurālis (множны лік). Некаторыя назоўнікі ўжываюцца толькі ў адзіночным ліку. Гэта так званыя singulariatantum, да якіх адносяцца:
- уласныя назоўнікі: Eurōpa (Еўропа), Iuppiter (Юпітэр), Roma (Рым);
- агульныя назоўнікі, што абазначаюць назвы металаў: ferrum (жалеза), kalium (калій), aurum (золата);
- абстрактныя назоўнікі (як адно цэлае): senectus (старасць), valetūdo (здароўе);
- зборныя паняцці: fama (чутка), vestis (адзенне).
Pluraliatantum - назоўнікі, якія ўжываюцца толькі ў множным ліку:
- назвы жывых істотаў: liberi (дзеці), maiōres (продкі);
- назвы, звязаныя з часам, назвы святаў: Kalendae (першы дзень кожнага месяца), nuptiae (вяселле);
- назоўнікі, якія азначаюць прадметы, складзеныя з некалькіх частак: scalae (лесвіца), arma (зброя);
- геаграфічныя назвы: Athēnae (Афіны), Alpes (Альпы).
У лацінскай мове ёсць словы, якія маюць розныя значэнні ў адзіночным і множным ліках. Напрыклад:
aqua, ae f |
вада |
aquae, ārum f |
лячэбныя крыніцы |
copia, ae f |
запас, вялікая колькасць |
copiae, ārum f |
узброеныя сілы |
аuxilium, ii n |
дапамога |
auxilia, ōrum n |
дапаможныявойскі |
сomitium, ii n |
месцазбораў |
comitia, ōrum n |
народны сход |
castrum, i n |
цвярдыня |
castra, ōrum n |
лагер |
rostrum, i n |
дзюба |
rostra, ōrum n |
аратарская трыбуна |
aedes, is f |
храм, святыня |
aedes, ium f |
дом, будынак |
finis, is m (f) |
мяжа, граніца |
fines, ium f |
вобласць, тэрыторыя |
ops, opis f |
сіла, магутнасць |
opes, opum f |
скарбы, войскі дапамога |
pars, partis f |
часціна, частка |
partes, ium f |
роля, акцёр, партыя |
littera, ae f |
літара |
litterae, ārum f |
пісьмо,навука, літаратура |