О ПОЛЬЗЕ КНИГ

 

Велика бо бываетъ полза отъ ученья книжного; книгами бо кажеми и учими есмы пути покаянью, мудрость бо обрhтаемъ и въздержанье от словесъ книжных. Се бо суть рhкы, напояющи вселеную, се суть исходящи мудрости; книгамъ бо есть неищетная глубина; сими бо в печали утhшаеми есмы; си суть узда въздержанью. Мудрость бо велика есть... Аще бо поищеши въ книгахъ мудрости прилhжно, то обрящеши велику ползу души своей. Иже бо книгы часто чтеть, то бесhдуеть с богомь, или святыми мужи. Почитая пророческыя бесhды, и еуангельская ученья и апостолская, и житья святыхъ отець, въсприемлеть души велику ползу.