§ 62. СІСТЭМА ЧАСОЎ У ЛАЦІНСКАЙ МОВЕ

 

Сістэму часоў лацінскай мовы можна зразумець з наступнай табліцы: 

 

час дзеяння	характар дзеяння
	незакончанае (сістэма інфекта)	закончанае (сістэма перфекта)
цяперашні	praesens цяперашні	perfectum прошлы закончанага трывання
прошлы	imperfectum прошлы незакончанага трывання	plusquamperfectum даўномінулы
будучы	futūrum I будучы незакончанага (і закончанага) трывання	futūrum II будучы закончанага трывання

 

Perfectum у лацінскай мове мае два значэнні:

• адпавядае беларускаму прошламу часу закончанага трывання: dixi - я сказаў;
• азначае вынік прошлага дзеяння (perfectum praesens): novi - я знаю (г.зн. я даведаўся і [таму] знаю).