3.1. Змест і структура літаратурнай адукацыі 

 

Дзяржаўная палітыка Рэспублікі Беларусь у галіне адукацыі грунтуецца на наступных прынцыпах:

- прыярытэт агульначалавечых прынцыпаў;

- нацыянальна-культурная аснова;

- арыентацыя на сусветны ўзровень адукацыі;

- гуманізм;

- дэмакратызм;

- абавязковасць базавай адукацыі і інш.

Змест адукацыі вызначаецца навучальнымі планамі і праграмамі, распрацаванымі ў адпаведнасці з канцэпцыяй літаратурнай адукацыі.

Згодна з дзеючымі вучэбнымі праграмамі па беларускай літаратуры для агульнаадукацыйных школ мастацкая адукацыя ўключае такія кампаненты, як мастацкія творы, тэарэтычныя паняцці, развіццё вуснай і пісьмовай мовы, асновы гісторыі і літаратуры.