Заданні да практычных заняткаў 

1. Падрыхтаваць паведамленні пра наступныя фразеалагічныя слоўнікі беларускай мовы:

–  «Слоўнік беларускіх прыказак» І.І. Насовіча (1870);

–  «Люд беларускі на Русі Літоўскай» М. Федароўскага (1877–1905);

– «Беларуская фразеалогія: фразеалагізмы, іх значэнне, ужыванне» Ф. Янкоўскага (1968);

– «Слоўнік беларускай народнай фразеалогіі» Е.С. Мяцельскай, Я.М. Камароўскага (1972);

– «І коціцца і валіцца» (1972), «І сячэ і паліць» (1974), «Слова за слова» (1977) Г.Ф. Юрчанкі;

–  «З народнай фразеалогіі. Дыферэнцыяльны слоўнік» І.Я. Лепешава (1991);

–  «Слоўнік дыялектнай фразеалогіі Гродзеншчыны» М.А. Даніловіча (2000);

–  «Фразеалагічны слоўнік для сярэдняй школы» Н.В. Гаўрош, І.Я. Лепешава, Ф.М. Янкоўскага (1973);

–  «Фразеалагічны слоўнік беларускай мовы ў двух тамах» І.Я. Лепешава (1993);

–  «Этымалагічны слоўнік фразеалагізмаў» і.Я. Лепешава (2004);

–  «Слоўнік фразеалагізмаў: у 2 т.» І.Я. Лепешава (2008).

–  «Фразеалагічны слоўнік мовы твораў Якуба Коласа» (1993);

–  «Слоўнік фразеалагізмаў мовы твораў Янкі Купалы» В.А. Ляшчынскай (2007);

–  «Англа-беларускі слоўнік фразеалагізмаў параўнальнага тыпу» Л.Д. Корсак, Л.С. Марціновіч (1984);

–  «Малы руска-беларускі слоўнік прыказак, прымавак і фразем» З. Санько (1991);

–  «Руска-беларускі фразеалагічны слоўнік для сярэдняй школы» І.А. Кісялёва (1991).

Пры паведамленні неабходна ўлічыць наступнае:

1) Вызначыць тып фразеалагічнага слоўніка;

2) Колькасць слоўнікавых артыкулаў, асаблівасці іх размяшчэння ў слоўніку;

3) Будова слоўнікавага артыкула;

4) Прывесці прыклад слоўнікавага артыкула;

5) У чым роля слоўніка, якія яго недахопы з пункту погляду сучаснай фразеаграфіі?