Уступ
^ Вверх

Маленькі дружа! 

Гэта незвычайная кніга дапаможа табе ўвайсці ў цудоўны свет музыкі.

Вельмі хочацца, каб яна стала для цябе добрым сябрам, адкрыла таямніцы і багацце музыкі. Навучыла яе слухаць і выконваць, разам з музыкай пазнаваць жыццё.

Раскажа табе пра цудоўны свет музыкі народны музыкант – Лірнік. Ад яго ты даведаешся пра сродкі музычнай выразнасці. Павандруеш з ім па такіх краінах, як Опера, Балет, Стімфонія, Канцэрт. У добры шлях!  

Мая Беларусь

(урывак) 

А ў маёй Беларусі

Столькі сіняга неба,

Столькі светлага сонца

І духмянага хлеба!

Вольна дыхаюць грудзі,

Сонца ласкава свеціць,

І мілей Беларусі

Мне няма ва ўсім свеце!

                                                  М. Зялёнка

 

Мая Беларусь

Словы М.Клімковіча,      У.Карызны                   Музыка Н.Сакалоўскага  

Аб чым пяецца ў Гімне? Як ён выконваецца (мякка, задумліва, урачыста, рашуча, велічна)? 

Гімн – галоўная песня краіны. Яго спяваюць і слухаюць стоячы. 

Родны бусел

Словы Н. Галіноўскай                                                    Музыка С. Галкінай
  1.  Пакружыся, бусел,

Нізка над вярбой.

Чуцен Беларусі

Клёкат ціхі твой.

  1.  Разгарні ты крылы

Вольна на ўсю шыр.

Сонца пералівы

Поўняць слова мір.

  1.  Міру ўсей планеце,

Шчасця і святла

Хочуць усе дзеці

Горада, сяла.

  1.  Пасяліся, бусел,

Побач, на вярбе.

Песні Беларусі

Будзем пець табе. 

Якія пачуцці выклікае песня (радасць, смутак, пяшчотнасць)? Перадай іх у сваім выкананні. Намалюй часцінку роднага куточка.

 М.А.Савіцкі. Янка Купала 

Магутнае слова,

Ты, роднае слова!

Са мной ты на яве і ў сне:

Душу мне затрэсла пагудкаю новай,

Ты песень наўчыла мяне…

Я.Купала 

Янку Купалу называюць беларускім Песняром.

Яго вершы шчырыя, пявучыя. Яны сталі асновай песень многіх кампазітараў.  

Явар і каліна

Словы Я. Купалы                                                             Музыка Ю. Семянякі 

Які характар у песні? Які настрой у цябе выклікае песня?