Пытанні і заданні да самакантролю
1. Што называецца фразеалогіяй?
2. Што з’яўляецца прадметам фразеалогіі?
3. Якія задачы вывучэння фразеалогіі?
4. Што адносяць да аб’екта фразеалогіі ў шырокім і вузкім яе разуменні?
5. Што такое фразеалагізм? Якія вызначальныя прыметы мае фразеалагізм?
6. Як вызначаецца семантыка фразеалагізма?
7. У чым падабенства і адрозненне паміж словам і фразеалагізмам, свабодным словазлучэннем і фразеалагізмам, сказам і фразеалагізмам?
8. Наколькі пашыраны выпадкі полісеміі і аманіміі ў фразеалагічнай сістэме ў параўнанні з лексічнай?
9. Што называецца варыянтнасцю фразеалагізмаў? Якія існуюць тыпы фразеалагічнай варыянтнаці?
10. Наколькі пашыраны з’явы сінаніміі ў фразеалогіі?
11. Якія існуюць тыпы фразеалагізмаў паводле ступені семантычнай спаянасці іх кампанентаў?
12. Якія ўстойлівыя спалучэнні адносяцца да фразеалагічных адзінстваў і фразеалагічных зрашчэнняў?
13. На якія тыпы падзяляюцца фразеалагізмы паводле іх структурна-граматычнага складу?
14. Што ўваходзіць у паняцце сэнсавай структуры фразеалагізма? Што ўключаецца ў фразеалагічнае значэнне, стылістычнае значэнне фразеалагізма?
15. Якія існуюць тыпы фразеалагізмаў паводле стылістычнай афарбоўкі і сферы выкарыстання?
16. У чым сутнасць марфалагічнай класіфікацыі фразеалагізмаў? Якія існуюць тыпы фразеалагічных адзінак па суадноснасці з часцінамі мовы? Якія фразеалагізмы з’яўляюцца несуадноснымі з пэўнымі часцінамі мовы?
17. Якімі членамі сказа могуць з’яўляцца фразеалагізмы? Як гэта вызначыць?
18. Якія генетычныя пласты вылучаюць ў фразеалагічным складзе беларускай мовы?
19. Назавіце асноўныя крыніцы ўзнікнення і паходжання фразеалагізмаў.
20. Якія існуюць стылістычныя прыёмы абыгрывання фразеалагізмаў? З якой мэтай пісьменнікі выкарыстоўваюць абноўленыя фразеалагічныя адзінкі?
21. Ці папаўняецца беларуская літаратурная мова новымі фразеалагізмамі? Якія існуюць крыніцы папаўнення беларускай фразеалогіі?